close
         泰國麗貝曼谷7日蜜月遊 - 麗貝島篇 Day 0-Day 2
 
麗貝島行程:
Day 0: 香港機場→曼谷廊曼機場
Day 1: 曼谷廊曼機場→合艾機場→Pakbara Pier→麗貝島→按摩
Day 2: 浮潛→按摩→睇日落→燭光晚餐
Day 3: 睇日出→按摩→睇日落
Day 4: 潛水→瑜伽
Day 5: 麗貝島→Pakbara Pier→合艾機場→曼谷廊曼機場
 
Day 3
一朝早我地去Sunrise Beach睇日出, 可惜天色唔好睇唔到...

喺網上睇到Mali Resort有免費瑜伽堂, 所以早一日book左, 點知酒店職員唔記得幫我同瑜伽老師講...可能麗貝島太靚, 連職員返工都有啲太放鬆, 哈哈...所以今日我地主要都係喺酒店hea
 
新假期介紹過Bundhaya Resort, 係相對大嘅酒店, 我地今日就去左試佢嘅按摩, 多好多款㨂, 而且可以揀室外定室內按摩, 我地揀左室內, 地方好大好乾淨!

photo from Bundhaya Resort official website

我地試左oil massage, 額外加錢搽蘆薈急救曬紅左嘅雙腿...感覺哩度嘅按摩師細心啲, 但力度冇Mali Resort咁足..
 
Lunch我地去左Madame Yoo Hoo, 但我唔記影相>< 已經唔記得食左啲咩, 但記得哩餐係我喺麗貝島食過最平嘅一餐..
評分: | 味道4 | 環境3 | 價錢5 |
 
食完飯我地又返酒店休息, 見到天色好我地當然要同陽光玩遊戲! 成大片沙灘都係得十幾人, 影相唔使驚影埋其他人..淡季去旅行唔使同人逼真係好!

休息完後我地就行去Sunrise Beach睇日落, 如果想舒服啲可以去Mountain Resort邊食飯邊睇日落, 但我同老公已經有心水餐廳, 所以我地喺沙灘度睇..
 
我覺得喺Sunrise Beach睇日落比喺Sunset Beach好, 因為夕陽會有大海做陪襯..

之後我地去返walking street食晚飯..walking street有好幾間海鮮bbq餐廳, 放唔同種類嘅海鮮喺門口吸引遊客..
我地揀左網上評價較高嘅一間

 
評分: | 味道5 | 環境4 | 價錢4 |
 
我地點左烤大蝦, 魷魚, 燴玉子豆腐同炒飯...

食完飯我地再去多次今日食午餐嘅Madame Yoo Hoo, 食芒果糯米飯,  超好味!!

 
Day 4
 
今日朝早嘅活動係去潛水, 潛水公司係講價後最平嘅Satun Dive...我未潛過水, 所以想體驗一下先, 就報左Discover Scuba Diving (1 dive), 原價每人THB2,500, 講價後每人THB2,000

由於當時係淡季, 我地果班得我同老公, 潛完之後先見到另一對情侶岩岩到...所以絕對係小班教學!
 
我地換左潛水衣同蛙鞋後, 教練就教我地點樣用啲潛水儀器, 佢教得好仔細, 每個步驟都會慢慢示範, 所以一定學得識~
 
喺真正潛之前我地先喺淺水地方練習呼吸, 教練覺得我地都無問題就搭長尾船去深啲嘅地方潛水..
 

由於只係體驗, 我地只係潛到12米深, 啲水都唔係好清, 但都見到好多魚!

午餐我地去左Fino Restaurant

Fino Restaurant

評分: | 味道5 | 環境4 | 價錢4 |

哩間餐廳係華人開, 所以menu有中文, 亦有中菜~ 我地只係簡單地點左碳燒豬頸肉同苦瓜炒蛋..

豬頸肉燒得好香, 少少肥, 醬汁亦好惹味! 我本身唔鍾意食苦瓜, 不過佢啲苦瓜又唔算苦, 所以哩個菜淡味啲中和一下都幾好!

返酒店休息一下之後我地就喺酒店嘅草地上上瑜珈堂 (Mali Resorts住客免費)..可能其他住客唔知道有瑜珈堂/唔想運動, 我地兩個又包堂!

瑜珈老師係外國人, 叫Keira, 佢喺麗貝島亦有自己嘅studio (官網/tripadvisor)...佢黎左麗貝島已經8年, 佢話剩係教瑜珈搵唔到食, 所以仲教埋潛水, 官網仲有好特別嘅瑜珈+潛水/浮潛package, 係住喺船(Phinisi)上面架!

之前我喺香港上嘅瑜珈堂都係廿幾人一班, 2對1真係好唔同..Keira每個動作都有指點我, 喺佢嘅幫助之下我仲做左head stand! 今次上堂學到嘅遠比想像中多, 睇返tripadvisor Keira嘅studio係100% Excellent, 絕對係當之無愧!

話晒Keira都喺度住左咁耐, 我地叫佢推介佢最鍾意嘅餐廳, 我地就去食晚飯..

Royal Indian

評分: | 味道5 | 環境3 | 價錢4 |

我地點左咖哩雞同咖哩雜菜, 配薄餅! 薄餅係老闆即時煎, 所以熱辣辣好好食!

Day 5

今日11:30am就要走, 臨走前決定要食多次pancake!
 
 
評分: | 味道5 | 環境3 | 價錢5 |

哩間舖頭好多人介紹, pancake煎得好脆, 食到停唔到口呀!

之後返酒店執行李就搭酒店嘅車去碼頭..就算碼頭嘅水都係好清, 有小朋友喺度玩! 喺度等快艇嘅時候有啲唔捨得哩個泰版馬代, 但又好期待曼谷, 心情有啲矛盾! 

總括黎講麗貝島真係一個好適合"慢活"嘅地方, 天氣好, 水清沙幼, 人唔多但又有足夠嘅活動比我喺哩5日4夜入面玩, 如果唔介意長途跋涉嘅話麗貝島絕對係一個好嘅渡假地方!

回程哩一程船冇黎嘅時候咁chok, 我同老公都可以玩電話..總共又搭返6.5hr返曼谷, 下回再介紹我嘅曼谷honeymoon!

Follow me on facebook for more sharing: Chill Out · Chow Down with Jen

arrow
arrow
    文章標籤
    koh lipe 蜜月 泰國 麗貝島 honeymoon
    全站熱搜

    珍妮 發表在 痞客邦 留言(0) 人氣()

    E-mail轉寄